Aeroporti i Dublinit heq kufizimin prej 100 ml për lëngjet në bagazhin e dorës.
Falë skanerëve të rinj C3, pasagjerët do të mund të marrin me vete deri në 2 litra lëngje, pa pasur nevojë për qese plastike transparente dhe pa nxjerrë pajisjet elektronike nga çantat.
Investimi prej 200 milionë eurosh ka sjellë instalimin e 30 skanerëve të rinj në të dy terminalet, duke e bërë Dublinin një nga aeroportet më të avancuar në Evropë për kontrollin e sigurisë.
Edhe Italia ka ndjekur të njëjtën linjë.
Aeroportet kryesore italiane, përfshirë Romën Fiumicino, Milano Linate, Milano Malpensa, Bolognën dhe Torinon, tashmë kanë lejuar heqjen e kufizimit të 100 ml.
Me vendosjen e pajisjeve të reja të skanimit CT, pasagjerët mund të udhëtojnë me deri në 2 litra lëngje në bagazhin e dorës, pa kufizimet e mëparshme.
Ky ndryshim shënon një hap të rëndësishëm në lehtësimin e udhëtimeve ajrore, duke shmangur radhët e gjata dhe duke i dhënë fund një prej rregullave më kufizuese për pasagjerët ndërkombëtarë. /skyweb.al
