Bashkimi Evropian ka miratuar një paketë mbështetjeje financiare në vlerën 171 milionë euro për vendet e Ballkanit Perëndimor, në kuadër të Planit të Rritjes për rajonin, me synim forcimin e infrastrukturës dhe nxitjen e zhvillimit ekonomik.
Një pjesë e konsiderueshme e këtyre fondeve do të përfitohet nga Shqipëria, duke u orientuar drejt projekteve që përmirësojnë lidhshmërinë, modernizojnë infrastrukturën dhe mbështesin sektorin privat.
Sipas Komisionit Evropian, rreth 95 milionë euro do të dedikohen për investime infrastrukturore, përfshirë energjinë e pastër, transportin dhe rrjetet digjitale. Ndërkohë, 76 milionë euro do të shërbejnë për mbështetjen e bizneseve, veçanërisht ndërmarrjeve të vogla dhe të mesme, duke u mundësuar atyre akses më të lehtë në financim.
Ndarja e fondeve:
Paketa totale: 171 milionë euro
95 milionë euro për: Infrastrukturë ;Energji të pastër; Transport; Rrjete digjitale
76 milionë euro për: Biznese; Mbështetje për SME-të; Lehtësim të aksesit në financim
