Rikthehet qarkullimi në aksin Librazhd–Përrenjas, duke hapur sërish rrugën drejt Korçës nga mesdita e sotme. Sipas njoftimit të Autoriteti Rrugor Shqiptar, duke nisur nga ora 12:00 të gjitha mjetet do të mund të kalojnë në këtë segment, i cili prej ditësh ishte i bllokuar për shkak të rrëshqitjes së ndodhur në zonën e njohur si “Arrat e Gurrës”.
Kalimi drejt juglindjes do të realizohet përmes një devijimi provizor, të ndërtuar pranë gjurmës ekzistuese të rrugës.
Ky zgjidhje do të shërbejë si alternativë e përkohshme deri në përfundimin e plotë të rrugës së re, e cila po ndërtohet në shtratin e lumit Shkumbin dhe në ndërthurje me trupin e hekurudhës.
Segmenti i hapur do të funksionojë me sinjalistikë kantieri dhe, në këtë fazë, do të jetë i paasfaltuar.
Sipas autoriteteve, asfaltimi përfundimtar do të kryhet pasi të realizohet stabilizimi i plotë i shtresave të rrugës.
ARRSH u bën thirrje drejtuesve të mjeteve dhe banorëve të zonës që të respektojnë sinjalistikën e përkohshme dhe udhëzimet e Policisë Rrugore, me qëllim garantimin e sigurisë dhe shmangien e rrezikut gjatë qarkullimit në këtë segment. /skyweb.al
