Nga 19 qershori, dyqanet online në Gjermani duhet t’u japin klientëve mundësinë të anulojnë një porosi ose kontratë online me një klikim të vetëm.
Pra, nëse një qytetar bën një blerje online dhe më pas pendohet, ai nuk duhet të kërkojë email-e, formularë të fshehur apo procedura të gjata.
Faqja duhet të ketë një buton të qartë për anulim.
Rregulli lidhet me të drejtën e konsumatorit për t’u tërhequr nga blerja brenda 14 ditëve.
Qëllimi është që anulimi të jetë po aq i thjeshtë sa edhe porosia.
Masa pritet të ndikojë sidomos te abonimet, porositë online dhe shërbimet që deri tani shpesh kanë qenë të lehta për t’u blerë, por të vështira për t’u anuluar. /skyweb.al
