Presidenti amerikan Donald Trump njoftoi në platformën e tij Truth Social lançimin e një aplikacioni të ri zyrtar për Shtëpia e Bardhë, i cili synon t’u ofrojë qytetarëve akses të drejtpërdrejtë në aktivitetet dhe komunikimet presidenciale.
Sipas tij, aplikacioni do t’u mundësojë përdoruesve të ndjekin në kohë reale ngjarjet në Shtëpinë e Bardhë, të lexojnë urdhrat ekzekutivë dhe të informohen për premtimet e bëra dhe të realizuara nga administrata e tij. Trump theksoi gjithashtu se ka mbajtur më shumë premtime sesa ka bërë.
Ai deklaroi se transparenca është thelbësore dhe se administrata e tij është më transparentja ndonjëherë, duke kritikuar paraardhësin e tij, Joe Biden.
Në përfundim, Trump ftoi qytetarët amerikanë të bashkohen në përpjekjen për ta bërë dhe mbajtur Amerikën të fortë dhe të suksesshme.
