NASA ka publikuar fotografitë e para të realizuara nga astronautët e Artemis II gjatë fluturimit të tyre pranë Hënës, shkruan BBC.
Imazhi i parë tregon një “lindje të Tokës” (Earthrise), ndërsa astronautët panë planetin tonë duke u shfaqur mbi një peizazh hënor me kratere.
Fotografia e dytë paraqet një eklips spektakolar diellor, gjatë të cilit Hëna bllokoi Diellin.
NASA nuk ka bërë të ditur se cili prej astronautëve, që janë në rrugën e kthimit drejt Tokës pas këtij fluturimi pranë Hënës, i ka realizuar këto fotografi.
