Organizata Botërore e Shëndetësisë (OMS) ka raportuar një incident shëndetësor në një anije kroçiere në Oqeanin Atlantik, ku ekziston dyshimi për praninë e virusit Hantavirus.
Deri më tani është konfirmuar një rast, ndërsa pesë të tjera mbeten të dyshuara. Nga gjashtë personat e prekur, tre kanë humbur jetën, ndërsa një ndodhet në gjendje të rëndë në terapi intensive në Afrikën e Jugut.
Sëmundja besohet se transmetohet nga brejtësit.
Autoritetet e Kepit të Gjelbër (Capo Verde) nuk kanë lejuar zbarkimin e pasagjerëve për të mbrojtur popullsinë vendase, megjithatë një ekip mjekësor ka hipur në anije për të kryer kontrolle.
Mes të prekurve janë edhe dy shtetas holandezë: njëri ka ndërruar jetë gjatë udhëtimit, ndërsa tjetri ka vdekur në Afrikën e Jugut.
Anija MV Hondius ndodhet aktualisht pranë brigjeve të Kepit të Gjelbër dhe pritet të vijojë udhëtimin pa ndalesa për zbarkim.
