Drejtoria e Përgjithshme e Drejtoria e Përgjithshme e Tatimeve ka njoftuar se kanë mbetur edhe 27 ditë nga afati për zbatimin e detyrimit ligjor për pagesat cashless përmes pajisjeve POS/POI në pikat e shitjes.
Sipas njoftimit, ky detyrim prek strukturat akomoduese, shërbimet e transportit si dhe institucionet dhe shoqëritë publike me kapital shtetëror, të cilat duhet të mundësojnë pagesat elektronike deri më 30 maj 2026.
Administrata tatimore thekson se ky proces synon rritjen e transparencës në pagesa, përmirësimin e shërbimit ndaj qytetarëve dhe forcimin e formalizimit të ekonomisë.
Tatimet u bëjnë thirrje subjekteve që të mos e lënë për ditën e fundit përmbushjen e këtij detyrimi ligjor, duke paralajmëruar se afati përfundimtar është i panegociueshëm.
Zbatimi i këtij detyrimi konsiderohet si një tjetër hap drejt reduktimit të përdorimit të parasë fizike dhe rritjes së kontrollit mbi transaksionet në ekonomi.
