Presidenti i Republikës, Bajram Begaj, reagoi pas miratimit të raportit për Shqipërinë nga Komiteti për Punët e Jashtme në Parlamentin Europian, duke e cilësuar atë si një vlerësim të rëndësishëm për reformat e ndërmarra në vend.
Në një postim në rrjetet sociale, Begaj theksoi se ky raport përfaqëson një vlerësim për përparimin e Shqipërisë në rrugën drejt anëtarësimit në Bashkimin Europian.
Sipas tij, Shqipëria mbetet e vendosur dhe e përkushtuar në rrugën e saj europiane, me objektivin strategjik për anëtarësimin e plotë në Bashkimin Europian.
Reagimi i Kreut të Shtetit vjen në një moment kyç për procesin e integrimit, ndërsa institucionet europiane vijojnë të monitorojnë ecurinë e reformave dhe përmbushjen e detyrimeve nga ana e Shqipërisë. /skyweb.al
