• Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
  • Kush jemi ne
  • Politika e Privatësisë
E enjte, 12 Nëntor, 2026
  • Hyr
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
Nuk u gjet asnjë rezultat
Shiko të gjitha
Kreu Aktualitet

Rama quan AKSHI-n histori suksesi, ndërsa SPAK-u ka hapur një ndër pusetat më të pista të korrupsionit në VEND

SkyWeb Nga SkyWeb
29 Maj, 2026
në Aktualitet, Kryesore
A A
FOTO/ Rama sulmoi SPAK-un dhe mbrojti Mirlindën e AKSHI-t para motrës së Ergys Agasit, drejtorëshës së tenderave në institucionin ku vëllai është “zot”
Share on FacebookShare on WhatsApp

Kryeministri Edi Rama e cilësoi sot AKSHI-n si një “histori të jashtëzakonshme suksesi”, gjatë prezantimit të kompanisë së re shtetërore “Albanian Digital Solution” Sh.A., e cila sipas qeverisë do të shërbejë për modernizimin e mëtejshëm të shërbimeve publike dhe forcimin e kapaciteteve teknologjike të shtetit.

Rama foli për transformimin dixhital të administratës, duke përmendur kalimin nga një numër i kufizuar shërbimesh elektronike te më shumë se 1200 shërbime online dhe mbi 3 milionë përdorues të platformës e-Albania.

Sipas kryeministrit, krijimi i kompanisë së re shtetërore synon ndarjen e funksioneve strategjike të qeverisjes elektronike nga ato operacionale. Ai tha se kjo do të shmangë varësinë e institucioneve nga kompanitë private për mirëmbajtjen dhe funksionimin e sistemeve publike.

Por ndërsa qeveria e paraqet AKSHI-n si model suksesi, ky institucion ndodhet në qendër të një prej dosjeve më të rënda të SPAK-ut për korrupsion në tenderët publikë të teknologjisë.

Ish drejtoresha e përgjithshme e AKSHI-t, Mirlinda Karçanaj, është marrë e pandehur nga Prokuroria e Posaçme për “Shkelje të barazisë së pjesëmarrësve në tendera”, në kuadër të një grupi të strukturuar kriminal, si edhe për “Grup të strukturuar kriminal” dhe “Kryerje të veprave penale nga grupi i strukturuar kriminal”.

Në të njëjtën dosje janë përfshirë edhe ish zyrtarë të tjerë të AKSHI-t dhe biznesmenë të lidhur me tenderët e teknologjisë, mes tyre emra që sipas hetimeve kanë pasur rol në procedura prokurimi me vlera të mëdha.

Dosja e SPAK-ut e ka nxjerrë AKSHI-n jo vetëm si institucion të dixhitalizimit, por edhe si një qendër ku dyshohet se tenderët publikë kontrolloheshin përmes një rrjeti zyrtarësh dhe operatorësh privatë.

Dëshmitë e ish zyrtarëve të AKSHI-t kanë shtuar edhe më shumë hijet mbi mënyrën se si funksiononte institucioni. Në dosje përmenden deklarime të Daniel Shimës, Emirton Sulit dhe personave të tjerë, të cilët kanë folur për veprime të dyshuara korruptive brenda institucionit.

Një nga dëshmitë më të rënda lidhet me pretendimin se Mirlinda Karçanaj ka marrë nga Ermal Beqiri kuti vere të mbushura me euro, me shuma që shkonin deri në 200 mijë euro.

Po ashtu, SPAK ka sekuestruar një apartament rreth 200 metra katrorë në një nga zonat më të shtrenjta të Tiranës, i lidhur me ish drejtoreshën e AKSHI-t. Sipas hetimeve, kjo pasuri dyshohet se është fshehur pas një kontrate qiraje, ndërsa prokuroria ka ngritur dyshime se apartamenti mund të jetë përfituar në mënyrë korruptive.

Në dosje përmenden edhe pasuri të tjera, përfshirë prona në Golem dhe apartamente në Tiranë, ndërsa emrat e biznesmenëve të lidhur me AKSHI-n dalin në skema të ndryshme tenderësh, faturimesh dhe përfitimesh të dyshuara.

Rasti nuk kufizohet vetëm te Karçanaj. Në të njëjtën dosje përmenden edhe Ermal Beqiri, Ergys Agasi dhe aktorë të tjerë të lidhur me tenderët e AKSHI-t. Në materialet hetimore dalin episode që nisin nga dhurata luksi, verëra dhe çokollata, deri te pagesa të dyshuara, vila, jahte dhe transferime parash përmes kompanive të lidhura me tenderët publikë.

Pjesë e së njëjtës panoramë është edhe Durana Tech Park, një tjetër nyje e përmendur në debatet mbi tenderët e teknologjisë dhe lidhjet mes biznesit privat dhe kontratave publike.

Për këtë arsye, deklarata e Ramës për AKSHI-n si histori suksesi bie ndesh me realitetin që po del nga dosja e SPAK-ut. Nga njëra anë, qeveria flet për standarde, inovacion, kontroll cilësie dhe përgjegjshmëri institucionale. Nga ana tjetër, hetimi i Prokurorisë së Posaçme përshkruan një mekanizëm të dyshuar korrupsioni, ku tenderët publikë përdorej si burim përfitimi për zyrtarë dhe biznesmenë të lidhur me ta.

Kjo është kontradikta kryesore e asaj që qeveria e quan revolucion dixhital.

AKSHI paraqitet si simbol i modernizimit të shtetit, por në të njëjtën kohë është kthyer në simbol të një dosjeje ku flitet për tenderë të dyshuar, pasuri të pajustifikuara, kuti vere me euro, apartamente luksoze dhe lidhje të dyshimta mes zyrtarëve publikë dhe biznesit privat.

Nëse “Albanian Digital Solution” Sh.A. prezantohet si faza e re e qeverisjes dixhitale, pyetja kryesore mbetet se si mund të ndërtohet një strukturë e re mbi themelet e një institucioni që sot është nën hetim për një nga skandalet më të mëdha të korrupsionit në administratën shqiptare. /skyweb.al

Etiketat: edi ramaergys agasiermal beqirimirlinda karcanaj
Artikulli para

LETRA/ MIE gati të ndërhyjë në mbrojtje të interesave të shtetit nëse vijon sherrin Behgjet Pacolli-Valon Ademi në Aeroportin e Vlorës

Artikulli pas

Zëri i klonuar me inteligjencë artificiale, metodat e reja të mashtrimit me telefonata

SkyWeb

SkyWeb

Nga Kategoria

Ndryshon qarkullimi në hyrje të Tiranës, nesër nisin punimet në segmentin “Sheshi Shqiponja”–”Ura e Limuthit”
Ekonomi

Ndryshon qarkullimi në hyrje të Tiranës, nesër nisin punimet në segmentin “Sheshi Shqiponja”–”Ura e Limuthit”

12 Nëntor, 2026
Bordi i Transparencës publikon çmimet e reja të karburanteve
Aktualitet

Bordi i Transparencës cakton çmimet e reja për karburantet

12 Nëntor, 2026
Reshje shiu e shtrëngata, IGJEO: Zonat që rrezikojnë përmbytje
Aktualitet

Priten reshje shiu intensive, Mbrojtja Civile njoftim: Disa qarqe më të rrezikuara

12 Nëntor, 2026
Viti 2026 drejt rekordit si më i nxehtë në histori, shkencëtarët: 95% e sigurt!
Aktualitet

Viti 2026 drejt rekordit si më i nxehtë në histori, shkencëtarët: 95% e sigurt!

12 Nëntor, 2026
Kreditë për shtëpi, pritet shtrëngimi i kushteve nga bankat
Ekonomi

Masa kundër kreditimit pa kriter, kufizohen bonuset e punonjësve të bankave

12 Nëntor, 2026
Zgjerohet skandali i mashtrimit me kredi në IUTE Credit në Lezhë, verifikime në Shkodër dhe njësi të tjera
Ekonomi

Qeveria fut në shina mikrofinancën dhe mbledhësit e borxheve: S’ka interesa dhe penalitete “peshkaqenësh”

12 Nëntor, 2026
Artikulli pas
Zëri i klonuar me inteligjencë artificiale, metodat e reja të mashtrimit me telefonata

Zëri i klonuar me inteligjencë artificiale, metodat e reja të mashtrimit me telefonata

Të Përzgjedhura

SPAK zbarkon në vilën e Ron Yeffet, kontroll biznesmenit izraelit!
Aktualitet

SPAK zbarkon në vilën e Ron Yeffet, kontroll biznesmenit izraelit!

Nga SkyWeb
2 Tetor, 2026
0

SPAK ka kryer një kontroll në vilën e biznesmenit izraelito-amerikan Ron Yeffet në fshatin Pëllumbas. Kontrolli është kryer në kuadër...

Lexo të plotë
Shqipëria i shpall luftë mishit me hormone, kontrolle të befasishme dhe BLLOKIM fermash

Shqipëria i shpall luftë mishit me hormone, kontrolle të befasishme dhe BLLOKIM fermash

1 Gusht, 2026
SPAK godet grupin e Dritan Gjikës dhe Eldi Dizdarit: 50 ton kokainë, 150 mln euro pasuri të sekuestruara

SPAK godet grupin e Dritan Gjikës dhe Eldi Dizdarit: 50 ton kokainë, 150 mln euro pasuri të sekuestruara

16 Qershor, 2026
“Frena” Inteligjencës Artificiale, rregullat e reja strikte për mbrojtjen e fëmijëve

“Frena” Inteligjencës Artificiale, rregullat e reja strikte për mbrojtjen e fëmijëve

30 Dhjetor, 2025
“Islands”: Vizitoni Shqipërinë, perlën e Ballkanit! Ksamili si “Karaibet e Evropës”

“Islands”: Vizitoni Shqipërinë, perlën e Ballkanit! Ksamili si “Karaibet e Evropës”

9 Prill, 2026

Të Fundit

Delina Ibrahimaj thotë se shqiptarët sot janë më të pasur, por… nuk blejnë dot një shtëpi ku të fusin kokën

Delina Ibrahimaj thotë se shqiptarët sot janë më të pasur, por… nuk blejnë dot një shtëpi ku të fusin kokën

12 Nëntor, 2026
Ndryshon qarkullimi në hyrje të Tiranës, nesër nisin punimet në segmentin “Sheshi Shqiponja”–”Ura e Limuthit”

Ndryshon qarkullimi në hyrje të Tiranës, nesër nisin punimet në segmentin “Sheshi Shqiponja”–”Ura e Limuthit”

12 Nëntor, 2026
Bordi i Transparencës publikon çmimet e reja të karburanteve

Bordi i Transparencës cakton çmimet e reja për karburantet

12 Nëntor, 2026
Reshje shiu e shtrëngata, IGJEO: Zonat që rrezikojnë përmbytje

Priten reshje shiu intensive, Mbrojtja Civile njoftim: Disa qarqe më të rrezikuara

12 Nëntor, 2026
SkyWeb.al

Info

Skyweb.al është media online me profil ekonomik, e fokusuar në lajme të thelluara mbi ekonominë, financat, biznesin, turizmin dhe aviacionin civil.

Kontakt

Email: info@skyweb.al

NIPT: M51916003M

© 2026 SkyWeb.al - Zhvilluar nga eDigital.al

Nuk u gjet asnjë rezultat
Shiko të gjitha
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED

© 2026 SkyWeb.al - Zhvilluar nga eDigital.al

Mirësevini!

Hyni në llogarinë tuaj.

Keni harruar fjalëkalimin?

Riktheni fjalëkalimin

Ju lutem shkruani username ose email

Hyr