Dollari amerikan e ka nisur këtë të enjte në nivele të qëndrueshme, pas rritjes së shënuar një ditë më parë. Në tregun vendas valutor, ai blihet me 81.5 lekë dhe shitet me 82.5 lekë.
Edhe euro vijon të ruajë pothuajse të njëjtat vlera si një ditë më parë, pa luhatje të ndjeshme. Këtë mëngjes, monedha europiane blihet me 95 lekë dhe shitet me 95.7 lekë.
Ndërkohë, franga zvicerane ka vijuar trendin rënës të nisur një ditë më parë. Sipas kursit të këmbimit në tregun e brendshëm, ajo blihet me 103.2 lekë dhe shitet me 104.2 lekë.
Paundi britanik, pas rritjes së regjistruar të mërkurën, paraqitet i qëndrueshëm këtë të enjte. Monedha britanike blihet me 109.5 lekë dhe shitet me 110.5 lekë.
