Në 35 vjetorin e PS, Kryeministri Edi Rama ka deklaruar se Partia Socialiste ka marrë përsipër një mision historik për anëtarësimin e Shqipërisë në Bashkimin Europian. Sipas tij, që nga momenti kur PS ka marrë këtë përgjegjësi, Shqipëria “nuk ka qenë kurrë për shitje”.
“Që kur PS ka marrë përsipër misionin historik për ta anëtarësuar Shqipërinë në BE dhe shqiptarët më kanë besuar udhëheqjen e tyre drejt asaj maje, Shqipëria nuk ka qenë kurrë për shitje. Ky vend nuk ka qenë kurrë më një krijesë e nënçmuar përpara askujt. Flamuri i ngritur në Vlorë nga plaku legjendar i Pavarësisë nuk ka qenë kurrë asnjëherë simbol i patriotizmit të shtirur, asnjë tortë për të ofruar në vend të reformave shtetndërtuese, por për ne, për mua, Shqipëria është një amanet i shenjtë në sytë, në mendjen dhe në zemrën time“, tha Rama, ndërsa pak metra më tej në boulevard, po mbahet protesta qytetare. /skyweb.al
