Nga sheshi Italia në festën e Partisë Socialiste u shpreh se nuk mund të pranohet që në Shqipëri të ketë vetëm turistë që vijnë me bukë me vete. Sipas kryeministrit, vendin ynë do të jetë si Dubai.
“Ne do jemi si Dubai në kuptimin e atraksionit turistik. Nuk mund të vijnë në Shqipëri vetëm turistë që vijnë me bukë me vete. Duhet të vijnë turistë elitarë, që harxhojnë paratë këtu dhe të shijojnë natyrën. Kjo rrit ekonominë e vendit tonë. Ne jemi këtu për Shqipërinë e 2030, që do të jetë në BE”, nënvizoi Rama.
Kreu i qeverisë shtoi se shqiptarët nuk mund të përdoren si mish për top për ata që nuk duan Donald Trump.
“PS zhvillon por pa e shkatërruar natyrën. Shqiptarët nuk mund të përdoren si mish për top për ata që nuk duan Donald Trump në gjithë këtë botë të madhe.
Turizmi elitar sjell shumë para në vendin tonë dhe ndihmon ekonominë e vendit. Shqipëria nuk mund të mbetet me turizmin e masës dhe nuk mund të ngelet mbrapa as Malit të Zi, as të Greqisë. Shqipëria është e thirrur vetëm që të hapë portën”, deklaroi Rama, ndërsa në Bulevard mbahet protesta e 13-të e qytetarëve. /skyweb.al
