Sekretari i Përgjithshëm i Këshillit të Bashkëpunimit Rajonal (RCC), Amer Kapetanović, ka bërë thirrje që Bashkimi Evropian të përshpejtojë integrimin e gjashtë vendeve të Ballkanit Perëndimor, duke paralajmëruar se Evropa nuk mund t’i lejojë vetes të mbajë “çështje të papërfunduara” në rajon.
Duke folur në Forumin e 19-të të Dubrovnikut, në panelin “Bashkimi Evropian dhe Ballkani Perëndimor: Zgjidhja e çështjeve të papërfunduara së bashku”, Kapetanović theksoi se zgjerimi nuk është më vetëm një politikë e BE-së, por një domosdoshmëri strategjike për sigurinë dhe të ardhmen e kontinentit.
“Angazhimi i Bashkimit Evropian me gjashtë vendet e Ballkanit Perëndimor nuk është më vetëm çështje e politikës së zgjerimit, por një domosdoshmëri strategjike për Evropën. Rajonit i duhet një rrugë e besueshme, e drejtë dhe e bazuar në merita drejt anëtarësimit, ndërsa zotimet politike duhet të shndërrohen në reforma, investime dhe përfitime konkrete për qytetarët”, u shpreh ai.
Sipas Kapetanović, në një botë gjithnjë e më të fragmentuar dhe të pasigurt, projekti evropian nuk mund të konsiderohet i plotë pa integrimin e gjashtë vendeve të Ballkanit Perëndimor në familjen evropiane.
Diskutimet në panel u fokusuan te nevoja për ta kthyer procesin e zgjerimit nga premtimet politike në rezultate konkrete, duke ruajtur një proces të drejtë dhe të bazuar në merita, në kushtet e sfidave të reja gjeopolitike dhe të sigurisë.
Në panel morën pjesë ministrat e Jashtëm të Kroacisë, Malit të Zi, Shqipërisë dhe Bosnjë e Hercegovinës, si edhe përfaqësues të Parlamentit Evropian dhe të Austrisë.
Në margjinat e Forumit të Dubrovnikut, Sekretari i Përgjithshëm i RCC-së zhvilloi gjithashtu një takim dypalësh me ministrin e Punëve të Jashtme dhe Evropiane të Sllovenisë, Tone Kajzer, ku u diskutua mbi forcimin e bashkëpunimit rajonal dhe perspektivën evropiane të gjashtë vendeve të Ballkanit Perëndimor.
Evropa nuk mund të lërë Ballkanin “pezull”, Kapetanović kërkon hapa konkretë për zgjerimin
Sekretari i Përgjithshëm i Këshillit të Bashkëpunimit Rajonal (RCC), Amer Kapetanović, ka bërë thirrje që Bashkimi Evropian të përshpejtojë integrimin e gjashtë vendeve të Ballkanit Perëndimor, duke paralajmëruar se Evropa nuk mund t’i lejojë vetes të mbajë “çështje të papërfunduara” në rajon.
Duke folur në Forumin e 19-të të Dubrovnikut, në panelin “Bashkimi Evropian dhe Ballkani Perëndimor: Zgjidhja e çështjeve të papërfunduara së bashku”, Kapetanović theksoi se zgjerimi nuk është më vetëm një politikë e BE-së, por një domosdoshmëri strategjike për sigurinë dhe të ardhmen e kontinentit.
“Angazhimi i Bashkimit Evropian me gjashtë vendet e Ballkanit Perëndimor nuk është më vetëm çështje e politikës së zgjerimit, por një domosdoshmëri strategjike për Evropën. Rajonit i duhet një rrugë e besueshme, e drejtë dhe e bazuar në merita drejt anëtarësimit, ndërsa zotimet politike duhet të shndërrohen në reforma, investime dhe përfitime konkrete për qytetarët”, u shpreh ai.
Sipas Kapetanović, në një botë gjithnjë e më të fragmentuar dhe të pasigurt, projekti evropian nuk mund të konsiderohet i plotë pa integrimin e gjashtë vendeve të Ballkanit Perëndimor në familjen evropiane.
Diskutimet në panel u fokusuan te nevoja për ta kthyer procesin e zgjerimit nga premtimet politike në rezultate konkrete, duke ruajtur një proces të drejtë dhe të bazuar në merita, në kushtet e sfidave të reja gjeopolitike dhe të sigurisë.
Në panel morën pjesë ministrat e Jashtëm të Kroacisë, Malit të Zi, Shqipërisë dhe Bosnjë e Hercegovinës, si edhe përfaqësues të Parlamentit Evropian dhe të Austrisë.
Në margjinat e Forumit të Dubrovnikut, Sekretari i Përgjithshëm i RCC-së zhvilloi gjithashtu një takim dypalësh me ministrin e Punëve të Jashtme dhe Evropiane të Sllovenisë, Tone Kajzer, ku u diskutua mbi forcimin e bashkëpunimit rajonal dhe perspektivën evropiane të gjashtë vendeve të Ballkanit Perëndimor.
