Këtë të enjte, dollari amerikan ka shënuar një rënie të lehtë në kursin e këmbimit krahasuar me një ditë më parë. Në tregun vendas, ai blihet me 81.8 lekë dhe shitet me 82.8 lekë.
Edhe euro, ndonëse ka pësuar një dobësim të ndjeshëm gjatë javëve të fundit, nuk ka regjistruar ndryshime të rëndësishme në kursin e kësaj të enjteje. Monedha europiane blihet me 93.6 lekë dhe shitet me 94.4 lekë.
Ndërkohë, franga zvicerane ka vijuar trendin në rritje, duke u forcuar ndjeshëm në raport me një ditë më parë. Ajo blihet me 101.5 lekë dhe shitet me 102.5 lekë.
Në rritje është edhe paundi britanik, i cili ka fituar vlerë krahasuar me të mërkurën. Në tregun valutor vendas, ai blihet me 108.8 lekë dhe shitet me 110.1 lekë. /skyweb.al
