Dollari amerikan ka shënuar rritjen e parë për këtë javë, duke e mbyllur pozitivisht tregtimin e së premtes. Sipas kursit të këmbimit në tregun vendas, ai blihet këtë mëngjes me 80.2 lekë dhe shitet me 81.4 lekë.
Ndërkohë, euro vijon të ruajë një ecuri të qëndrueshme edhe gjatë kësaj jave, pa luhatje të ndjeshme në vlerë. Monedha europiane blihet sot me 92.6 lekë dhe shitet me 93.6 lekë, duke mbetur në nivele të ngjashme me ato të javës së kaluar.
Franga zvicerane ka regjistruar një rënie të lehtë në vlerë këtë të premte, duke e mbyllur javën në territor negativ. Ajo blihet me 98.7 lekë dhe shitet me 100 lekë, në krahasim me nivelin e një dite më parë.
Edhe paundi britanik nuk ka pësuar ndryshime të konsiderueshme nga dita e enjte, duke e mbyllur javën në nivele pothuajse të pandryshuara. Në tregun e brendshëm valutor, ai blihet me 107.7 lekë dhe shitet me 109 lekë.
