Ministria e Arsimit ka njoftuar hapjen e aplikimeve për formularët A1 dhe A1Z, në kuadër të Maturës Shtetërore 2026.
Aplikimet do të kryhen në datat 9 dhe 10 korrik, nga ora 08:00 deri në 16:00, përmes portalit e-Albania.
Njoftimi u është drejtuar maturantëve të viteve të kaluara, si dhe atyre që nuk kanë arritur të aplikojnë brenda afateve të mëparshme.
Formularët A1 dhe A1Z u shërbejnë kandidatëve që duan të marrin pjesë në procesin e Maturës Shtetërore dhe të aplikojnë më pas në institucionet e arsimit të lartë.
“Për të gjithë maturantët e viteve të kaluara, por edhe ata që s’kanë arritur të aplikojnë në kohë, në datat 9-10 korrik hapen aplikimet për ‘Matura Shtetërore 2026’, për formularët A1 dhe A1Z, dedikuar gjithë kandidatëve të cilët duan të aplikojnë në institucionet e arsimit të lartë”, thuhet në njoftimin e ministres së Arsimit.
Aplikimi do të jetë i mundur vetëm brenda fashës orare të përcaktuar, nga ora 08:00 deri në 16:00.
Ministria u bën thirrje kandidatëve që plotësojnë kushtet të kryejnë aplikimin brenda afatit, për të mos humbur mundësinë e përfshirjes në procesin e Maturës Shtetërore 2026.
