Sipërmarrjet e vogla dhe të mesme tashmë kanë një mundësi të re për të siguruar financim për zgjerimin e aktivitetit të tyre. Programi kombëtar “Dyfisho sipërmarrjen tënde” ofron kredi të buta deri në 2 mln euro dhe garanci shtetërore për bizneset që kanë një plan konkret zhvillimi dhe synojnë të investojnë në rritjen e tyre.
Deputeti i qarkut të Durrësit, Arkend Balla, e cilësoi këtë program si një mbështetje të rëndësishme për sipërmarrjen, duke theksuar se investimi te bizneset është investim në ekonominë e vendit.
“Ekonomia rritet kur mbështeten ata që krijojnë vende pune dhe prodhojnë vlera,” u shpreh Balla.
Ai u bëri thirrje sipërmarrësve të informohen dhe të aplikojnë në këtë program, duke nënvizuar se ai pritet të nxisë investimet, të forcojë bizneset e vogla e të mesme dhe t’i japë një shtysë të re zhvillimit të turizmit dhe ekonomisë lokale.
