Një anije e ankoruar në portin e Durrësit është bllokuar nga autoritetet doganore, pasi gjatë një kontrolli fizik janë konstatuar rreth 16.8 tonë karburant që dyshohet se nuk ishte deklaruar.
Kontrolli u ushtrua nga shërbimet e Degës Doganore Durrës, pas informacioneve operative për mospërputhje mes sasisë së karburantit të deklaruar dhe asaj që ndodhej në anije.
Pas konstatimit të dyshimeve për karburant të padeklaruar dhe të nxjerrë kontrabandë, punonjësit doganorë hartuan procesverbalin përkatës dhe vendosën bllokimin e anijes.
Ndërkohë, pritet të vijojnë procedurat e mëtejshme verifikuese dhe ligjore për dokumentimin e plotë të rastit.
Sipas njoftimit të Doganave, kontrollet do të vijojnë me qëllim parandalimin e kontrabandës dhe mbrojtjen e interesave financiare të shtetit. /skyweb.al















