Aksionet e Apple ranë me 1.5% pas prezantimit të serisë së re iPhone 17 në eventin “Awe-Dropping”, duke fshirë miliarda dollarë nga kapitalizimi i tregut të kompanisë.
Investitorët reaguan me zhgënjim ndaj mungesës së risive të mëdha, pasi shumica e veçorive ishin bërë publike më herët.
Pavarësisht përmirësimeve në bateri, kamera dhe integrimit të teknologjisë AI, pritshmëritë për një revolucion teknologjik nuk u përmbushën.
Linja e re përfshiu iPhone 17 Air, modeli më i hollë deri tani, si dhe versionet Pro dhe Pro Max.
Apple prezantoi gjithashtu gjenerata të reja të Apple Watch dhe AirPods, me funksione të avancuara përkthimi dhe sensorë shëndeti.
Megjithatë, tregjet reaguan ftohtë duke e konsideruar eventin “të vakët”. Sipas analistëve, presioni nga tarifat dhe konkurrenca e fortë po e vështirësojnë mbajtjen e rritjes së aksioneve.
Kapitalizimi i Apple ra nga 3.54 trilion dollarë në rreth 3.48 trilion, një nga humbjet më të ndjeshme pas një lançimi produktesh. /skyweb.al
