Banka e Shqipërisë ka publikuar rregullat e reja për tarifat e transfertave elektronike, të cilat pritet të lehtësojnë kostot për qytetarët dhe bizneset.
Këto kufizime janë pjesë e harmonizimit me sistemin SEPA dhe synojnë të garantojnë më shumë transparencë dhe efikasitet në pagesat bankare.
Sipas njoftimit, për transfertat dalëse elektronike deri në 100 mijë euro, komisioni nuk mund të jetë më i lartë se 0.01% e shumës së dërguar.
Ndërsa për transfertat mbi këtë vlerë, tarifa maksimale që bankat mund të aplikojnë është 25 euro.
Po ashtu, është vendosur që komisioni minimal të mos jetë më i lartë se 2 euro.
Për transfertat hyrëse elektronike të çdo vlere, tarifa nuk mund të kalojë 3 euro.
Këto ndryshime synojnë të mbrojnë konsumatorët, të nxisin përdorimin e pagesave elektronike dhe të afrojnë Shqipërinë me standardet e Bashkimit Evropian në fushën e shërbimeve financiare./skyweb.al
