Polonia ka mbyllur hapësirën ajrore pranë qyteteve të saja juglindore dhe ka aktivizuar bombardues si reagim ndaj intensifikimit të sulmeve ruse ndaj Ukrainës.
Në Kiev, banorët u zgjuan nën urdhrin e alarmit ajror, pasi dronët dhe raketat ruse goditën kryeqytetin dhe zonat përreth që në orët e para të mëngjesit. Sipas autoriteteve lokale, të paktën gjashtë persona u plagosën: tre prej tyre në Kiev dhe katër në rajonin e Zaporizhzhia-së.
Kreu i administratës ushtarake të Kievit tha se disa banorë u futën në stacionet e metrosë për t’u mbrojtur, ndërsa forcat ukrainase konfirmuan se totali i territorit ukrainas ishte në gjendje gatishmërie ajrore.
Në njoftimin e Forcave Ajrore Polake u theksua se ndërhyrja e bombarduesve ishte parandaluese dhe kishte për qëllim sigurimin e hapësirës ajrore kombëtare përballë kërcënimeve me rreze të gjatë veprimi nga Federata Ruse.
Në pritje janë edhe reagime ndërkombëtare: NATO ka njoftuar se do të rrisë praninë në Detin Baltik, duke përfshirë mjete zbulimi dhe mbrojtje ajrore në kuadër të operacionit “Baltic Sentry”. Skyweb.al
