Ministri i Financave, Petrit Malaj, deklaroi se në projektbuxhetin e vitit 2026 nuk është parashikuar bonus fundviti për pensionistët.
Gjatë raportimit në Komisionin Parlamentar të Bujqësisë, ai u pyet nga deputeti i Lëvizjes Bashkë, Redi Muçi, nëse do të ketë shpërblim në dhjetorin e ardhshëm, por përgjigjja ishte negative.
“Në varësi të rritjes ekonomike do të vendosim nëse do të japim bonus fundviti në vitin 2026. Në projektbuxhet nuk është parashikuar, por me akt normativ, nëse ekonomia performon mirë, mund të japim një bonus. Bonusi kalkulohet në varësi të ecurisë ekonomike,” tha Malaj.
Sipas tij, rritja ekonomike e vendit do të jetë faktori përcaktues për çdo vendim të mundshëm mbi bonusin e pensionistëve në fund të vitit të ardhshëm. /skyweb.al
