Kompania shqiptare “Kastrati Group” është renditur si përfaqësuesja e Shqipërisë në një hartë ekonomike që paraqet kompanitë kombëtare me të ardhurat më të larta aktuale në çdo vend të Europës. Harta, e publikuar nga “Maps Interlude”, përfshin emrat më të mëdhenj të kontinentit si “Shell”, “Volkswagen”, “Santander”, “OMV”, “TotalEnergies”, “ENI”, “Accenture”, “Equinor”, “Rosneft”, “Koç Holding” dhe të tjerë.
Në këtë panoramë të gjigantëve ekonomikë, Shqipëria përfaqësohet nga “Kastrati Group”, një nga grupet më të fuqishme shqiptare në sektorin e energjisë, karburanteve, ndërtimit dhe sigurimeve.
Leonard Kastrati, drejtues i grupit, e cilësoi këtë përfshirje si “një arsye krenarie për Shqipërinë”, duke theksuar se renditja është dëshmi e përkushtimit, vizionit dhe punës së palodhur që e ka bërë kompaninë shqiptare pjesë të hartës së prestigjit ekonomik europian.
Sipas Kastratit, prania e “Kastrati Group” në këtë listë është një tregues i qartë se bizneset shqiptare mund të garojnë në të njëjtin nivel me kompanitë më të mëdha të kontinentit.
