Linjat ajrore globale kanë anuluar fluturimet këtë të shtunë, kompania europiane Airbus ka njoftuar një ndërhyrje të menjëhershme në software-in e një numri të madh avionësh të familjes A320,
Shkak për këtë vendim ishte urdhri i Airbus për riparim urgjent të softuerit të sistemit të kontrollit të fluturimit në avionët A320 — riparim që duhet të kryhet përpara se avionët të rifillojnë fluturimet.
Veçanërisht, ky rikthim, që prek më shumë se gjysmën e flotës globale të avionëve të familjes A320, ka ndikuar ndjeshëm në oraret e fluturimeve në Azi, Evropë e më gjerë, duke shkaktuar ndërprerje të konsiderueshme udhëtimesh.
Për kompanitë ajrore dhe operatorët, ky incident përbën një sfidë të madhe operacionale dhe financiare, veçanërisht në periudhën e ngarkuar me udhëtime — edhe pse vetë ndërhyrja është cilësuar si relativisht e thjeshtë për sa i përket softuerit.
Në prononcime për mediat, ANA dhe linja të tjera njoftuan se po punojnë për përditësimin e softuerit dhe rikthimin sa më shpejt të mundshëm në operim, ndërsa ofrojnë zgjidhje për pasagjerët e prekur, përfshirë anulime, rimbursime ose alternativa udhëtimi.
Në mbarë botën janë rreth 11,300 avionë të kësaj familjeje. Rregullimi konsiston kryesisht në kthimin e softuerit në një version më të vjetër dhe, edhe pse është relativisht i thjeshtë, duhet të kryhet përpara se avionët të lejohen të fluturojnë sërish.
Kompania europiane me kosto të ulët Wizz Air njoftoi të shtunën herët në mëngjes se përditësimet e softuerit janë zbatuar gjatë natës në të gjithë avionët e saj të prekur të familjes A320 do te vijojne operimet./Skyweb.al
