Një avion i linjës “Air France”, i cili po udhëtonte drejt Parisit, u detyrua mbrëmjen e djeshme të kryejë një ulje të paparashikuar në Mynih, pasi në kabinë u ndje një erë djegieje, njoftoi sot një përfaqësues i aeroportit.
Sipas zëdhënësit, nuk u raportua asnjë i lënduar dhe avioni arriti të shkojë vetë deri në zonën e parkimit. Pasagjerët u sistemuan në hotele.
Numri i saktë i pasagjerëve nuk u bë i ditur menjëherë, por autoritetet theksuan se në bord ndodheshin mbi 200 persona, duke marrë parasysh tipin e avionit.
Fluturimi kishte nisur nga Bejruti dhe ishte parashikuar të ulej në aeroportin “Charles de Gaulle” në Paris. Shkaku i erës së djegies mbetet ende i paqartë.
“Avioni ndodhet ende këtu”, bëri të ditur zëdhënësi këtë mëngjes, duke shtuar se tashmë çështja do të trajtohet nga kompania ajrore. /skyweb.al
