Reshjet e dendura të borës kanë shkaktuar kaos në Aeroportin Schiphol të Amsterdamit, një nga nyjet më të mëdha ajrore në Evropë. Autoritetet aeroportuale njoftuan se kushtet e motit kanë detyruar anulimin e rreth 800 fluturimeve brenda dy ditëve, duke prekur dhjetëra mijëra pasagjerë.

Operacionet u vështirësuan ndjeshëm për shkak të pistave të mbuluara nga bora dhe erërave të forta, ndërsa ekipet teknike u angazhuan vazhdimisht për pastrimin dhe garantimin e sigurisë. Përparësi iu dha fluturimeve të domosdoshme, por kapaciteti mbeti i kufizuar.

Kompanitë ajrore u kërkuan udhëtarëve të kontrollojnë statusin e fluturimeve përpara se të shkojnë në aeroport dhe, kur është e mundur, të riplanifikojnë udhëtimet. Shumë pasagjerë raportuan vonesa të gjata dhe vështirësi në gjetjen e fluturimeve alternative.

Sipas autoriteteve, situata pritet të përmirësohet gradualisht sapo kushtet e motit të stabilizohen, megjithatë paralajmërohet se mund të ketë ende vonesa dhe anulime të izoluara në ditët në vijim. /skyweb.al