Një raport ndërkombëtar mbi sigurinë dhe cilësinë e ujit të pijshëm e rendit Shqipërinë ndër vendet e fundit në Europë, duke ngritur shqetësime për standardet e furnizimit dhe infrastrukturën ujore në vend. Sipas të dhënave, problematikat lidhen me ndotjen, humbjet në rrjet dhe mungesën e investimeve efektive në trajtimin e ujit.
Raportet europiane tregojnë se Shqipëria vijon të ketë vështirësi edhe sa i përket cilësisë së ujërave, duke u renditur në fund të listës për pastërtinë e ujërave të monitoruara, si në zonat bregdetare ashtu edhe në liqene e lumenj. Monitorimet janë bazuar në praninë e baktereve dhe ndotësve që ndikojnë drejtpërdrejt në shëndetin publik.
Ekspertët theksojnë se megjithëse Shqipëria ka burime të konsiderueshme ujore, një pjesë e madhe e ujit humbet në rrjet për shkak të amortizimit të sistemit të furnizimit. Të dhënat tregojnë se humbjet në rrjet arrijnë në nivele shumë të larta, ndërsa shumë zona vijojnë të mos kenë furnizim të pandërprerë me ujë të pijshëm. /skyweb
