Në tregun e këmbimit valutor vendas, të enjten dollari amerikan vijoi të forcojë pozitat në raport me lekun, krahasuar me një ditë më parë, ndërsa euroja shënoi rënie të lehtë.
Sipas kursit zyrtar të Bankës së Shqipërisë, dollari amerikan këmbehet me 82,42 lekë ose 0,72 lekë më shumë ndërsa euroja zbriti me 0,19 lekë, duke u kuotuar në vlerën e 94,62 lekëve.
Paundi britanik këmbehet me 109,11 lekë, ose 0,47 lekë më pak se ditën e mërkurë dhe franga zvicerane zbriti me 0,52 lekë duke u këmbyer sot me 102,74 lekë.
