Kina po has vështirësi në përpjekjen e saj për të sfiduar gjigantët e aviacionit Boeing dhe Airbus.
Programi i avionit C919, i ndërtuar nga Comac, kishte planifikuar të dorëzonte 75 avionë të rinj gjatë vitit 2025, por tashmë pritet që vetëm 25 njësi të arrijnë tek klientët.
Projekti, i cilësuar si flamurtari i Pekinit për të hyrë në tregun global të avionëve të ngushtë, deri më tani ka siguruar vetëm blerës vendas.
Vonesat lidhen kryesisht me zinxhirin e furnizimit, pasi eksportet e mëparshme të motorëve CFM të prodhuar në SHBA dhe komponentëve të tjerë nga Honeywell dhe GE u kufizuan, duke nxjerrë në pah varësinë e fortë nga pjesët e huaja.
Si rezultat, deri në shtator, tre kompanitë më të mëdha ajrore kineze, China Eastern, Air China dhe China Southern, kanë marrë vetëm pesë avionë të këtij modeli, një shifër shumë më e ulët se 32 avionët e premtuar.
Megjithatë, Comac thekson se C919 do të ndryshojë qiejt kinezë, pasi ka mbi 300 porosi nga transportuesit vendas.
Pyetja mbetet: a mund të arrijë ndonjëherë avioni kinez të konkurrojë përtej kufijve të Kinës, pa pasur ende asnjë klient ndërkombëtar? /skyweb.al
