Dollari amerikan ka shënuar një rritje të lehtë të kuotës mëngjesin e kësaj të marte, por vijon të mbetet në nivele të dobëta përballë lekut. Sipas kursit të këmbimit në tregun e brendshëm, dollari blihet me 79.6 lekë dhe shitet me 80.7 lekë.
Ndërkohë, euro ka ruajtur një ecuri të qëndrueshme, pa ndryshime të ndjeshme krahasuar me ditën e hënë. Monedha europiane blihet sot me 92.3 lekë dhe shitet me 93.2 lekë.
Franga zvicerane ka regjistruar një rritje të lehtë në raport me një ditë më parë. Në tregun vendas, ajo blihet me 98.2 lekë dhe shitet me 99.5 lekë.
Edhe paundi britanik nuk ka shfaqur luhatje të konsiderueshme. Monedha britanike vijon të tregtohet me 107.7 lekë në blerje dhe 108.8 lekë në shitje, duke ruajtur në përgjithësi të njëjtat nivele me ditën e kaluar.
