Dollari amerikan ka vijuar të humbasë terren edhe këtë të mërkurë, duke u dobësuar sërish përballë monedhës vendase. Sipas kursit të këmbimit në tregun e brendshëm, dollari është blerë sot me 79.3 lekë dhe është shitur me 80.6 lekë.
Edhe monedha europiane ka regjistruar rënie të kuotës këtë mëngjes, duke u dobësuar krahasuar me një ditë më parë. Euro është blerë me 92.1 lekë dhe është shitur me 93.1 lekë.
Në të njëjtën linjë është edhe franga zvicerane, e cila ka humbur pikë në raport me ditën e djeshme. Sipas të dhënave nga tregu i brendshëm valutor, franga është blerë me 97.6 lekë dhe është shitur me 99.2 lekë.
Edhe paundi britanik ka shënuar një tjetër dobësim këtë mëngjes. Ai është blerë me 107.4 lekë dhe është shitur me 108.7 lekë, duke vijuar tendencën rënëse të regjistruar kundrejt ditës së martë.
Në përgjithësi, valutat kryesore kanë nisur ditën me zhvlerësim përballë lekut, sipas kuotave të tregut vendas.
