Bitcoin është rikthyer fuqishëm në rritje këtë të mërkurë, duke iu afruar nivelit të 70 mijë dollarëve, pasi një lëvizje e papritur e Thesarit amerikan solli optimizëm në tregjet financiare.
Departamenti i Thesarit njoftoi se do të dyfishojë blerjet mbrapsht të obligacioneve afatgjata, nga 2 miliardë në të paktën 4 miliardë dollarë për çdo operacion, për titujt me maturim 10 deri në 30 vjet.
Masa do të zbatohet nga 9 shtatori deri më 4 nëntor.
Vendimi erdhi pas presionit të fortë në tregun amerikan të borxhit, ku yield-i i obligacioneve 30-vjeçare kishte arritur nivelin më të lartë që prej vitit 2007.
Pas njoftimit të Thesarit, yield-et ranë ndjeshëm dhe dollari amerikan u dobësua.
Reagimi u përhap menjëherë edhe në asetet me risk. Aksionet, ari dhe Bitcoin u ngjitën, ndërsa tregjet e interpretuan ndërhyrjen si një sinjal se autoritetet amerikane janë të gatshme të mbështesin likuiditetin në tregun e obligacioneve.
Bitcoin është rritur me mbi 5% brenda ditës, nga një minimum rreth 64 mijë dollarë në afërsi të 69 mijë dollarëve, duke rikthyer në treg pritshmëritë për një testim të nivelit psikologjik të 70 mijë dollarëve. /skyweb.al
