Shqipëria renditet ndër 14 destinacionet më të përballueshme për t’u vizituar në Evropë, sipas një artikulli të publikuar nga media britanike “Rest Less”, me autore Selene Nelson.
Vendi vlerësohet për plazhet e Rivierës Shqiptare, ujërat e kristalta, qytetet historike, peizazhet malore dhe kostot relativisht të ulëta të akomodimit, ushqimit dhe transportit.
Destinacione si Dhërmiu, Ksamili dhe Tirana ofrojnë mundësi për pushime të larmishme, nga turizmi bregdetar te përvojat kulturore dhe aventurat në natyrë.
Në listën e 14 vendeve më të lira për t’u vizituar në Evropë përfshihen gjithashtu Mali i Zi, Portugalia, Malta, Greqia, Bullgaria, Polonia, Rumania, Hungaria, Bosnjë-Hercegovina dhe vende të tjera evropiane. /skyweb.al
