Kryebashkiaku i Tiranës, Erion Veliaj, vijon ndryshimet në administratën e Bashkisë së Tiranës, pavarësisht se ndodhet në paraburgim.
Nga burgu i Fierit, ku u transferua pak ditë më parë, Veliaj ka firmosur vendimin për emërimin e Etleva Bishës në postin e nënkryetares së Bashkisë së Tiranës.
Në të njëjtën kohë, nga detyra janë liruar dy nënkryetarët Vasilika Vjero dhe Ilir Mëngra.
Etleva Bisha ka përvojë në administratën publike dhe angazhimin politik në Partinë Socialiste.
Ajo është një prej themelueseve të FRESH-it dhe ka qenë e përfshirë në reformimin e shërbimeve sociale gjatë periudhës kur Erion Veliaj drejtonte Ministrinë e Mirëqenies Sociale.
Në vitet e fundit, Bisha ka punuar në fushën e qeverisjes vendore, duke bashkëpunuar me organizata ndërkombëtare që operojnë në Shqipëri.
Lëvizjet e fundit vijnë pas largimit të Anuela Ristanit dhe rikthimit të disa prej bashkëpunëtorëve të Veliajt në poste drejtuese, në një klimë rivaliteti politik me kryeministrin Edi Rama për kontrollin e Bashkisë së Tiranës. /skyweb.al
