Një sulm kibernetik ka goditur të paktën katër supermarkete Coop në Itali, tre në Katania dhe një në Palermo. Sulmi preku sistemet e kontrollit të frigoriferëve, duke shkaktuar rritjen e temperaturave dhe dëmtimin e produkteve ushqimore, të cilat u detyruan të hidhen.
Autoritetet italiane të sigurisë kibernetike dhe Policia Postare kanë nisur hetimet për të zbardhur origjinën e sulmit dhe lidhjet e mundshme me incidente të ngjashme në disa vende evropiane.
Agjencia Kombëtare e Sigurisë Kibernetike u ka kërkuar kompanive të forcojnë sistemet e mbrojtjes dhe kontrollit në distancë. Deri tani, askush nuk ka marrë përgjegjësinë për sulmet, të cilat kanë prekur edhe supermarkete në Francë dhe vende të tjera evropiane. /skyweb.al
