• Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
  • Kush jemi ne
  • Politika e Privatësisë
E martë, 17 Nëntor, 2026
  • Hyr
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
Nuk u gjet asnjë rezultat
Shiko të gjitha
Kreu Ekonomi

LIGJI I RI/ Siguracioni i makinës do të vlejë edhe 15 ditë pas skadimit! Por nëse bën aksident, duhet të paguash gjithë vitin tjetër

SkyWeb Nga SkyWeb
17 Nëntor, 2026
në Ekonomi, Fokus, Kryesore
A A
“Vdes” Mbreti, Volkswagen kalon në fron në Shqipëri
Share on FacebookShare on WhatsApp

Siguracioni i detyrueshëm i automjeteve do të vazhdojë të ofrojë mbulim edhe për 15 ditë pas përfundimit të afatit të policës, por kjo periudhë shtesë do të shoqërohet me detyrime financiare për drejtuesit e mjeteve. Nëse gjatë këtyre ditëve ndodh një aksident, pronari i siguruar do të detyrohet të paguajë të gjithë primin e sigurimit për vitin pasardhës.

Ky është një nga ndryshimet që parashikon projektligji i ri “Për sigurimin e detyrueshëm në sektorin e transportit”, i propozuar nga qeveria, i cili synon të zëvendësojë ligjin aktual.

Sipas nenit 8 të projektligjit, të konsultuar nga skyweb.al, të drejtat dhe detyrimet e kontratës së sigurimit do të zgjaten automatikisht për 15 ditë pas skadimit të saj, me kusht që klienti të mos e ketë njoftuar kompaninë, të paktën tri ditë përpara përfundimit të kontratës, se nuk dëshiron rinovimin.

Kjo do të thotë se një drejtues automjeti, siguracioni i të cilit përfundon më 30 nëntor, mund të vazhdojë të përfitojë mbulim deri më 15 dhjetor, nëse plotëson kushtet e përcaktuara në ligj.

Por kjo periudhë shtesë nuk është pa detyrime.

Nëse drejtuesi i mjetit shkakton një aksident gjatë këtyre 15 ditëve, zbatohet pika 10 e nenit 8, e cila përcakton shprehimisht se i siguruari është i detyruar të paguajë primin e sigurimit për të gjithë vitin pasardhës.

Për shembull, nëse një qytetar ka një policë sigurimi që kushton 20 mijë lekë në vit dhe përfshihet në një aksident pesë ditë pas skadimit të saj, ai do të duhet të paguajë primin vjetor të sigurimit për periudhën pasardhëse. Shuma konkrete do të varet nga tarifa e zbatueshme për rinovimin.

Projektligji parashikon një tjetër detyrim edhe për rastet kur drejtuesi i automjetit vendos të ndryshojë kompaninë e sigurimit.

Sipas pikës 11 të nenit 8, nëse gjatë periudhës 15-ditore klienti lidh kontratë me një shoqëri tjetër, kompania e mëparshme ka të drejtë t’i kërkojë pagesën e primit për ditët gjatë të cilave ka vazhduar mbulimin.

Konkretisht, nëse siguracioni përfundon më 30 nëntor dhe drejtuesi blen një policë të re nga një kompani tjetër më 7 dhjetor, siguruesi i mëparshëm mund të kërkojë pagesën për periudhën e mbulimit deri në lidhjen e kontratës së re.

Kjo pagesë llogaritet në përpjesëtim me kohëzgjatjen e mbulimit dhe jo si prim për një vit të plotë, në rastin e thjeshtë të ndryshimit të kompanisë pa ndodhur një ngjarje sigurimi.

Në këtë mënyrë, projektligji synon të shmangë ndërprerjen e menjëhershme të mbrojtjes së sigurimit për shkak të vonesës në rinovim, por njëkohësisht u njeh kompanive të drejtën të kërkojnë pagesë për periudhën gjatë së cilës vazhdojnë të mbulojnë rrezikun.

Megjithatë, dispozita krijon një dallim të rëndësishëm mes vazhdimit të mbulimit dhe pagesës së policës. Periudha 15-ditore nuk nënkupton se drejtuesit përfitojnë automatikisht siguracion falas apo se detyrimi për rinovimin e policës është hequr.

Një tjetër parashikim i nenit 8 detyron kompanitë e sigurimit që, kur konstatojnë se mbulimi i një automjeti ka përfunduar, të njoftojnë organet përgjegjëse për regjistrimin e mjeteve, kontrollin e trafikut rrugor dhe Qendrën e Informacionit brenda 15 ditëve nga konstatimi.

Ndryshimet janë pjesë e reformës së sigurimit të detyrueshëm motorik, që synon përafrimin e legjislacionit shqiptar me direktivat e Bashkimit Evropian. /skyweb.al

Artikulli para

Patentat me SMS, aplikacion për automjetet dhe autoshkollat! Bajraktari prezanton shërbimet e reja të DPSHTRR -së për drejtuesit e mjeteve

Artikulli pas

Bordi ndryshon çmimet e karburanteve, me sa do të shiten nafta, benzine dhe gazi

SkyWeb

SkyWeb

Nga Kategoria

Alarm në SHBA, del jashtë funksionit rrjeti sekret i komunikimeve të sigurisë kombëtare
Aktualitet

Alarm në SHBA, del jashtë funksionit rrjeti sekret i komunikimeve të sigurisë kombëtare

17 Nëntor, 2026
Mbi 11 mijë studentë shqiptarë studiojnë jashtë vendin
Aktualitet

Mbi 11 mijë studentë shqiptarë studiojnë jashtë vendin

17 Nëntor, 2026
Aeroporti Ndërkombëtar i Tiranës dhe Wizz Air forcojnë partneritetin përmes mbështetjes së Maratonës së Tiranës
Ekonomi

Aeroporti Ndërkombëtar i Tiranës dhe Wizz Air forcojnë partneritetin përmes mbështetjes së Maratonës së Tiranës

17 Nëntor, 2026
Sigurimet ose sistemi Malus-Malus
Ekonomi

Ligji i ri i hap rrugën shtrenjtimit të sigurimit për makinat nga viti 2028! Rriten çdo vit detyrimet e kompanive

17 Nëntor, 2026
LLOGARIA/ Sa kilometra duhet të bësh në vit për të përfituar nga ndryshimi i taksave të karburantit dhe makinave
Ekonomi

Bordi ndryshon çmimet e karburanteve, me sa do të shiten nafta, benzine dhe gazi

17 Nëntor, 2026
Patentat me SMS, aplikacion për automjetet dhe autoshkollat! Bajraktari prezanton shërbimet e reja të DPSHTRR -së për drejtuesit e mjeteve
Ekonomi

Patentat me SMS, aplikacion për automjetet dhe autoshkollat! Bajraktari prezanton shërbimet e reja të DPSHTRR -së për drejtuesit e mjeteve

17 Nëntor, 2026
Artikulli pas
LLOGARIA/ Sa kilometra duhet të bësh në vit për të përfituar nga ndryshimi i taksave të karburantit dhe makinave

Bordi ndryshon çmimet e karburanteve, me sa do të shiten nafta, benzine dhe gazi

Të Përzgjedhura

DIVA 2025/ Kompensimi për arsimin e fëmijëve nis nga marsi, si do funksionojë skema e rillogaritjes së tatimit
Ekonomi

Tatimet rikujtojnë afatin për faljen e detyrimeve

Nga Editor
1 Tetor, 2026
0

Administrata Tatimore ka rikujtuar tatimpaguesit për afatet e përfitimit nga falja me kusht e detyrimeve tatimore, sipas ligjit nr. 86/2025....

Lexo të plotë
Greqia jep 150 euro ndihmë për famijet me fëmijë, kush përfiton

Euro në nivelin më të ulët, bie edhe dollari

2 Korrik, 2026
5 gjëra që s’duhet të bëni para orës 09:00 të mëngjesit sipas kardiologëve

5 gjëra që s’duhet të bëni para orës 09:00 të mëngjesit sipas kardiologëve

5 Nëntor, 2026
Shteti në kolaps: Goditjet e SPAK në tre javë paralizojnë AKSHI-n, MIE-n, KESH-n, ARRSH-në….

EMRAT/ Skandali AKSHI, SPAK kontrolle te i “besuari” i Ergys Agasit: Kush është Elgerti Bixha. Bastiset dhe banesa e “dyshit” të KPP-së

17 Dhjetor, 2025
Travel off Path: Shqipëria, mes vendeve turistike që ia vlen çdo qindarkë e shpenzuar

Turistët e huaj rriten 21%, por qëndrojnë më pak, bregdeti dhe apartamentet udhëheqin qershorin

17 Gusht, 2026

Të Fundit

OBSH: Konsumimi i duhanit te gratë dhe vajzat në Evropë mbetet shqetësues

OBSH: Konsumimi i duhanit te gratë dhe vajzat në Evropë mbetet shqetësues

17 Nëntor, 2026
Alarm në SHBA, del jashtë funksionit rrjeti sekret i komunikimeve të sigurisë kombëtare

Alarm në SHBA, del jashtë funksionit rrjeti sekret i komunikimeve të sigurisë kombëtare

17 Nëntor, 2026
Mbi 11 mijë studentë shqiptarë studiojnë jashtë vendin

Mbi 11 mijë studentë shqiptarë studiojnë jashtë vendin

17 Nëntor, 2026
Si ta mbajmë trurin e shëndetshëm me kalimin e moshës? Çfarë thotë shkenca

Si ta mbajmë trurin e shëndetshëm me kalimin e moshës? Çfarë thotë shkenca

17 Nëntor, 2026
SkyWeb.al

Info

Skyweb.al është media online me profil ekonomik, e fokusuar në lajme të thelluara mbi ekonominë, financat, biznesin, turizmin dhe aviacionin civil.

Kontakt

Email: info@skyweb.al

NIPT: M51916003M

© 2026 SkyWeb.al - Zhvilluar nga eDigital.al

Nuk u gjet asnjë rezultat
Shiko të gjitha
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED

© 2026 SkyWeb.al - Zhvilluar nga eDigital.al

Mirësevini!

Hyni në llogarinë tuaj.

Keni harruar fjalëkalimin?

Riktheni fjalëkalimin

Ju lutem shkruani username ose email

Hyr