Një gjigant i ajrit si Airbus A350-900 zbriti për herë të parë në Aeroportin e Prishtinës duke bërë linjën Zyrih-Prishtinë-Zyrih si pjesë e flotës së kompanisë Edelweiss.
Ky avion është më i riu në flotën e Edelweiss dhe iu dorëzua kompanisë më 14 mars 2025 nga prodhuesi Airbus dhe nisi flutueimet në 27 mars mëson Skyweb.al.
Me numër regjistrimi HB-IHF, avioni është pagëzuar me emrin “Piz Bernina”, që mban emrin e majës më të lartë në Alpet lindore të Zvicrës.
A350-900 është projektuar për fluturime ndërkontinentale dhe pritet të fillojë operimet drejt destinacioneve përtej Atlantikut në muajin maj 2025. Në fazën përgatitore, avioni po kryen fluturime evropiane për trajnimin dhe përshtatjen e ekuipazhit./skyweb.al
