Një aeroport në një qytet mesatar si Bergamo që lë pas metropole të mëdha si Napoli, Torino apo Venecia. Duket e pabesueshme, apo jo?
E megjithatë, është pikërisht kështu. I hapur fillimisht si një bazë ushtarake dhe i kthyer për fluturime civile në vitin 1970, aeroporti i Bergamos ka arritur një sukses që pak do ta kishin parashikuar.
Por si ndodhi që aeroport i vogël nga periferia u kthye në një gjigant të transportit ajror italian?
Me mbi 17 milionë pasagjerë në vit, Orio al Serio renditet fort në podiumin kombëtar, pas vetëm dy gjigantëve: Fiumicino në Romë dhe Malpensa në Milano, shkruan skyweb.al.
Për të kuptuar përmasat e këtij suksesi, mjafton të themi se aeroporti i katërt, Capodichino i Napolit ka 12.6 milionë pasagjerë.
Sekreti?
Zgjedhja strategjike për të bashkëpunuar me kompanitë low-cost, veçanërisht Ryanair, e cila e ka kthyer këtë aeroport në një nga qendrat e saj kryesore në Evropë.
Herën tjetër që zbrisni në Orio, mbani mend: po ecni në njërin prej aeroporteve më të rëndësishëm të Italisë.
Sepse ndonjëherë, historitë e suksesit lindin pikërisht aty ku nuk i pret./skyweb.al
