Qeveria shqiptare ka shpallur ambicjen e saj që në vitin 2030 të ardhurat nga sektori i turizmit në shqipëri të shkojnë rreth 6.7 miliardë euro me një rritje afërsit 50 për qind krahasuar me ato që sektori solli në vitin 2024.
Në dokumentin e “Strategjisë Kombëtare të Turizmit 2030”, të miratuar pak ditë më parë në Këshillin e ministrave janë caktuar gjashtë prioritete bazë për këtë sektor ndër më të rëndësishmit në ekonomi. Kështi në 5 vitet në vijim prioritare do të jenë:
-Investimet në sektorin e turizmit dhe transportit
-Përshtatja më e mirë e Politikave fiskale dhe rregullatore
-Mirë menaxhimi i destinacioneve turistike të vendit
-Zhvillimi i mëtejshëm i produktit turistik që Shqipëria ofron
Një marketing sa më i përshtashëm për këto destinacioneve si edhe Ngritja e kapaciteteve turistike dhe zhvillimi i burimeve njerëzore në këtë sektor.
Duke synuar konsolidimin e ofertës turistike shqiptare në strategjinë e re është bërë edhe një ndarje e re rajonale ku përcaktohen si zona më vete: Rajoni bregdetit të Adriatikut, Rajoni verior i brendshëm, Rajoni turistik i Tiranës, Rajoni turistik Qëndror, Rajoni i bregdetit të Jonit dhe Rajoni Jugor i brenshëm.
Në gjuhën e shifrave strategjia parashikon që vendi të ketë mbi 477 mijë shtretër në 2030 përkundër 270 mijë shtretërve që ishin në 2023.
Të punësuar në sektor planifikohen mbi 73 mijë në 2030 përkundër 42 mijë punonjësve që ishin në turizëm në 2023. Të ardhurat nga taksat prashikohet të jenë mbi 85 milion euro ose katër herë më shumë se në vitin 2023. I gjithë sektori planifikohet të ketë një xhiro biznesi prej 6.7 miliard euro përkundër 4.16 miliardë euro që ishin në 2023.
Ambicjet e qeverisë për turizmin dhe marketingu i viteve të fundit e kanë kthyer këtë sektor ndër më të rëndësishmit e ekonomisë së vendit. /tvscan
