Qeveria britanike po përgatitet të zbatojë një nga ndryshimet më të mëdha në politikat e saj të migracionit dhe administrimit të identitetit të individëve, krijimin e një sistemi identifikimi dixhital për të gjithë personat që kanë të drejtë ligjore të qëndrojnë në Mbretërinë e Bashkuar, përfshirë qytetarët britanikë, emigrantët me leje qëndrimi dhe ata me status azilkërkues të aprovuar.
Ky lajm është bërë publik nga e përditshmja britanike Financial Times, e cila citon burime pranë qeverisë së kryeministrit Keir Starmer, duke theksuar se skema e re pritet të njoftohet zyrtarisht gjatë konferencës së Partisë Laburiste që mbahet këtë muaj.
Sipas burimeve të FT, sistemi i ri do të përfshijë një kartë ose profil dixhital që verifikon nëse një person: Ka të drejtë të punojë në Mbretërinë e Bashkuar; Ka të drejtë të qëndrojë dhe të marrë me qira banesë; Ka akses në shërbime publike ose përfitime sociale.
Kjo do të thotë se punëdhënësit, agjencitë e qirasë dhe institucionet publike do të kenë mundësinë të verifikojnë automatikisht nëse një person ka status të rregullt ligjor, përmes këtij sistemi të centralizuar.
Kjo nismë është pjesë e përpjekjeve të qeverisë për të frenuar emigracionin ilegal, për të rritur transparencën administrative dhe për të përmirësuar funksionimin e shërbimeve publike.
Kryeministri Starmer dhe ekipi i tij synojnë që përmes kësaj skeme, personat pa dokumente të rregullta të mos kenë më mundësi të punojnë në mënyrë të paligjshme apo të përdorin shërbime për të cilat nuk kanë të drejtë.
Një nismë e tillë pritetet të ndikojë nedhe tek shqiptarët, që përbëjnë një nga komunitetet më të mqëdha të emigrantëve në Britani. shumë prej tyre janë përballur me sfida të ndryshme ligjore, administrative dhe sociale. Shumë prej tyre janë përballur me sfida të ndryshme ligjore, administrative dhe sociale. /Skyweb.al
