Bregdeti i Lezhës është një ndër destinacionet më të preferuara të Adriatikut. Ndonëse sezoni veror ka përfunduar, turistët e huaj vijojnë ta frekuentojnë.
Një grup i veçantë turistësh kanë zgjedhur së fundmi të kalojnë disa ditë pushime në Lezhë. Kreu i bashkisë, Pjerin Ndreu ka ndarë në rrjetet sociale fotografitë me 45 gjyqtarë polakë që ndodhen në qytetet, duke shijuar bregdetin e bukur dhe pasuritë natyrore dhe kulturore të Lezhës.
Ndreu theksoi se, gjatë një takimi me grupin polak, ata i shprehën kënaqësinë për ushqimin tradicional shqiptar dhe, siç tha ai, “rakia shqiptare ka lënë një mbresë të jashtëzakonshme”.
Kjo është një tjetër dëshmi që Shëngjini dhe Lezha mbeten destinacione të shkëlqyera gjatë gjithë vitit, duke ofruar mundësi për pushime, relaks dhe njohuri më të thella mbi historinë dhe kulturën shqiptare. /Skyweb.al
