Furça juaj e dhëmbëve mund të jetë strehë për miliona baktere dhe viruse përfshirë bakteret nga tualeti, virusin e herpesit.
Sipas ekspertëve, një furçë dhëmbësh mund të mbajë nga 1 deri në 12 milionë mikroorganizma nga qindra lloje të ndryshme. Ato formojnë shtresa biologjike mbi sipërfaqet plastike, ndërsa plasaritjet e fijeve të vjetra bëhen strehë për mikrobet. Çdo përdorim i furçës sjell me vete ujë, pështymë, qeliza të lëkurës dhe mbetje ushqimore, një mjedis ideal për zhvillimin e mikrobeve.
“Burimet kryesore të mikrobeve në furçën e dhëmbëve janë goja, lëkura dhe ambienti ku mbahet furça,” shpjegon mikrobiologu Marc-Kevin Zinn nga Universiteti i Shkencave të Aplikuara në Rhine-Ëaal, Gjermani.
Edhe furçat e reja nuk janë immune, një studim në Brazil zbuloi se gjysma e 40 furçave të reja të blera në dyqane ishin tashmë të kontaminuara me baktere të ndryshme.
Ekspertët këshillojnë të shmangni mbajtjen e furçës afër tualetit, ta shpëlani mirë pas çdo përdorimi dhe ta ndërroni rregullisht çdo 3 muaj ose më shpesh nëse fijet janë dëmtuar. /Skyweb.al
