Në rajonin e Lacios, në Itali, u zhvillua ceremonia e ndarjes së çmimit “Fjala e Artë”, një event që vlerëson personalitete për kontributin e tyre në promovimin e dialogut dhe bashkëpunimit ndërkombëtar.
Gjatë ceremonisë u nderua Khalid Aljarman, zëvendësambasador i Emirateve të Bashkuara Arabe në Itali, për angazhimin dhe rolin e tij në forcimin e marrëdhënieve diplomatike dhe institucionale mes vendeve partnere.
Çmimi iu dorëzua nga Simona Baldassarra dhe Qerim Çoku, të cilët në fjalën e tyre theksuan se bashkëpunimi mes Italisë, Shqipërisë dhe Emirateve të Bashkuara Arabe është i qëndrueshëm dhe i konsoliduar, i mbështetur në marrëdhënie të forta politike dhe institucionale.
Ata nënvizuan gjithashtu frymën e miqësisë dhe mirëkuptimit që karakterizon këto raporte, duke përmendur marrëdhëniet e mira mes liderëve dhe veçanërisht miqësinë e fortë mes kryeministrit shqiptar Edi Rama dhe kryeministres italiane Giorgia Meloni.
Eventi u vlerësua si një moment domethënës për promovimin e dialogut ndërkombëtar dhe për forcimin e bashkëpunimit mes vendeve partnere në rajon dhe më gjerë.
