Forcat e NATO-s kanë rrëzuar një raketë balistike të lëshuar nga Irani, e cila kishte hyrë në hapësirën ajrore të Turqisë, njoftoi sot Ministria turke e Mbrojtjes, sipas raportimit të Neësëeek.
Sipas autoriteteve turke, raketa u neutralizua nga sistemet e mbrojtjes ajrore dhe raketore të NATO-s të vendosura në Mesdheun lindor.
Autoritetet në Turqi theksuan se vendi do të reagojë me vendosmëri ndaj çdo kërcënimi që cenon territorin dhe hapësirën e tij ajrore.
Ky është incidenti i dytë gjatë kësaj jave kur një raketë iraniane rrëzohet mbi territorin turk.
Në rastin e mëparshëm, mbetjet e një rakete ranë në një zonë të hapur pranë qytetit të Gaziantepit, pa shkaktuar viktima apo dëme të raportuara.
Turqia, anëtare e NATO-s që nga viti 1952 dhe me një kufi të gjatë me Iranin, ka rritur nivelin e gatishmërisë ushtarake për shkak të tensioneve në rritje në rajon. /skyweb.al
