Kroçera “Sapphire Princess” ka mbërritur sot në Sarandë, duke shënuar hapjen e një sezoni të ri të rëndësishëm për turizmin e kroçerave në jug të vendit.
Për shkak të përmasave të saj, anija nuk është ankoruar në port, por në radë, ndërsa turistët janë transportuar drejt qytetit me anë të lançeve për të vijuar vizitat e tyre.
Në bord ndodhen rreth 2600 turistë nga vende të ndryshme të botës.
Kroçera ka ardhur nga Italia dhe pritet që pasditen e kësaj të marte të vazhdojë itinerarin e saj drejt Greqisë.
