Një anije cisternë që transporton gaz natyror të lëngshëm (GNL) ka kaluar për herë të parë në Ngushticën e Hormuzit që nga nisja e konfliktit me Iranin.
Sipas raportimit të “Sky News”, anija me kapacitet 136,357 metra kub ishte parë për herë të fundit në Gjirin Persik më 30 mars, ndërsa është rishfaqur së fundmi pranë brigjeve perëndimore të Indisë. Kjo është konfirmuar nga të dhënat e gjurmimit detar të siguruara nga “Icis LNG Edge”, “MarineTraffic” dhe LSEG.
Ky zhvillim shihet si një tjetër tregues se anijet që operojnë në rajon po përdorin metoda shmangëse, si ndërprerja e sinjalit të pozicionit ose përdorimi i identifikuesve të rremë, për të ulur rrezikun e sulmeve.
