Skanimi i plotë tredimensional i trupit të njeriut pritet të realizohet brenda vitit 2027. Ky projekt ambicioz, i njohur si Atlasi i organeve njerëzore, synon të mundësojë eksplorimin në 3D të organizmit me një nivel detajesh të paprecedentë, deri në strukturat më të imëta qelizore.
Puna për këtë nismë ka nisur prej kohësh dhe tashmë janë realizuar skanime 3D të organeve të veçanta. Aktualisht, kjo teknologji lejon studimin e trurit, zemrës, mushkërive, veshkave dhe mëlçisë. Projekti vlerësohet si shumë i rëndësishëm, pasi ofron një qasje të re dhe të avancuar për të kuptuar anatominë dhe sëmundjet njerëzore. Për shembull, falë skanimit të zemrës është arritur të hartëzohet sistemi elektrik i saj në rastet e kardiopative.
Teknologjia e re bën të mundur vëzhgimin dhe analizimin me saktësi të jashtëzakonshme të strukturave të brendshme të trupit, duke përfaqësuar një hap të madh përpara në kërkimin shkencor dhe mjekësi./skyweb.al
