Presidenti i Republikës, Bajram Begaj, ka reaguar pas aksidentit tragjik në Durrës, ku humbën jetën dy fëmijë dhe një tjetër mbeti i plagosur rëndë.
Përmes një reagimi publik, Begaj shprehet i tronditur thellë për ngjarjen, duke kërkuar lutje për shpirtërat e viktimave dhe duke u shprehur ngushëllime të sinqerta familjarëve të tyre.
Ai uron gjithashtu shërim të shpejtë për fëmijën e plagosur, i cili ndodhet nën kujdesin e mjekëve në spital.
Presidenti thekson nevojën për reagim institucional, duke kërkuar nga organet përgjegjëse të marrin masa për rritjen e sigurisë në qarkullim dhe të zhvillojnë një hetim të plotë për zbardhjen e ngjarjes.
Në të njëjtën kohë, Begaj apelon për rritjen e përgjegjshmërisë qytetare në zbatimin e rregullave të qarkullimit rrugor, duke nënvizuar se jeta dhe siguria e qytetarëve janë të shenjta./skyweb.al
