Dollari amerikan e ka mbyllur javën në rritje të lehtë, duke fituar pak terren në krahasim me një ditë më parë. Mëngjesin e sotëm ai është blerë me 80.8 lekë dhe është shitur me 81.8 lekë.
Ndërkohë, euro vijon të mbetet e qëndrueshme në tregun vendas valutor, pa luhatje të ndjeshme edhe këtë të premte. Monedha europiane është blerë sot me 95.1 lekë dhe është shitur me 95.9 lekë, në nivele të ngjashme me ato të së enjtes.
Edhe franga zvicerane nuk ka shfaqur ndryshime të rëndësishme në kursin e këmbimit, duke ruajtur kuota pothuajse konstante. Sot ajo është blerë me 103.6 lekë dhe është shitur me 104.6 lekë.
Nga ana tjetër, paundi britanik ka shënuar rënie në raport me ditën e kaluar. Në tregun e brendshëm valutor ai është blerë me 109.6 lekë dhe është shitur me 110.6 lekë, duke e mbyllur javën në ulje. /skyweb.al
